स्थानीय

बृहत् निःशुल्क शल्यक्रिया स्वास्थ्य शिविरमा आज १ सय ८८ जनाको शल्यक्रिया

धनकुटा १० कार्तिक । बुधवारदेखि सञ्चालित बृहत् निःशुल्क शल्यक्रिया स्वास्थ्य शिविरमा सेवाग्राहीको संख्या बढ्दै गएको छ । सो शिविरमा आज १ सय ८८ जनाको निःशुल्क शल्यक्रिया भएको शिविर सञ्चालक समितिका संयोजक रोशेष श्रेष्ठले जानकारी दिए ।
शिविरमा मेजर तथा माईनर शल्यक्रिया र दन्तसम्बन्धि उपचार हुदै आएको छ । आज १५ जनाको मेजर शल्यक्रिया र ४२ जनाको पायल्ससहित माईनर शल्यक्रिया गरिएको शिविर आयोजक समितिका सचिव विजयसन्तोषी राईले जानकारी दिए । यस्तै १ सय ३१ जनाको दाँतको उपचार गरिएको श्रेष्ठले जानकारी दिए ।

अमेरिकी विशेषज्ञ डाक्टरहरुद्वारा उपचार गरिदै आएको सो शिविर आगामी १७ गतेसम्म सञ्चालन हुने प्रचार प्रसार समितिका संयोजक राजेश्वरबहादुर श्रेष्ठले जानकारी दिए । सो शिविरमा महिलाको पाठेघर झरेको, पित्त तथा मुत्रथैलीको पत्थरी, हर्निया, हाईडोसिल,पायल्स, गाँठागुठीको शल्यक्रिया गरिदै आएको श्रेष्ठले जानकारी दिए । यस्तै दाँतसम्बन्धि उपचार तथा कृतिम हात वितरण गरिदै आएको श्रेष्ठले जानकारी दिए ।

शिविरमा धनकुटालगायत विभिन्न जिल्लाबाट उपचारका लागि आउनेहरुको भिड लागेको शिविर समन्वय तथा व्यवस्थापन समितिका संयोजक सुनिल कुमार डंगोलले बताए । भिडको कारण शिविरलाई व्यवस्थित गर्न स्वयम्सेवकहरुलाई समस्या भएको डंगोलले बताए । उनले शिविरलाई थप प्रभावकारी र बास्तविक पँहुचविहीनहरुलाई उपचारका लागि ल्याई दिन आग्रह गरेका छन् ।

शिविरमा पायल्स, पत्थरी र दन्तसम्बन्धि विरामी अत्यधिक रुपमा आउने गरेको शिविर व्यवस्थापन समितिका सदस्य सावित्रा राईले बताईन । उनले शिविरमा धरान, विराटनगरजस्ता ठूला शहरमा उपचार हुन नसकेका विरामीहरु पनि आएको जानकारी दिईन । राईले शिविरमा उपचारका लागि पहाडी जिल्लामात्र नभई लाहान, विराटनगर, धरान, झापा, उदयपुरबाट समेत विरामीहरु आएको बताईन ।

शिविरमा भोली आईतवार शल्यक्रिया नहुने प्रचारप्रसार समितिका संयोजक राजेश्वरबहादुर श्रेष्ठले बताए । सोमवारदेखि पुनः नियमित सेवा सुचारु हुने श्रेष्ठले बताए ।

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker