समाचारसमाज

विद्यालय ढिलो आएको भन्दै अन्धाधुन्ध लौराले कुटेर ५ जनाको हात भाँचिदिइन् यि शिक्षिकाले, ९ घाइते

रोल्पा– रोल्पाको रुम्टीगढी गाउँपालिका–८ स्थित भानु आधारभूत विद्यालयकी एक शिक्षिकाले निर्मम कुटाइबाट १४ जना विद्यार्थी घाइते भएको समाचार आजकारे राजधानी दैनिकले मुख्य समाचारका रुपमा छापेको छ । घाइतेमध्ये कतिपयको हात नै भाँचिएको छ ।

विद्यालयमा ढिला गरी आएको भन्दै ती विद्यार्थीमाथि शिक्षिकाले कुटपिट गरेको समाचारमा जनाइएको छ । घाइते हुनेमा कक्षा १ मा पढ्नेदेखि कक्षा ८ मा पढ्नेसम्मका विद्यार्थी छन् । घाइतेमध्ये भीमकुमारी बाँठा, निर्मला पुन, गौरी घर्ती, शान्ता नेपाली र बिमला रोकाको हात भाचिएको हुनाले आइतबार दाङको तलसीपुरस्थिति सहारा पोलिक्लिनिकमा प्लास्टर गरिएको छ ।

शिक्षिका पुनले विद्यालय ढिलो आएको भन्दै अन्धाधुन्ध लौराले कुटेको घाइते बालिका भीमकुमारीले जनाएकी छिन् । केही समयअघि उनै शिक्षिकाको कुटाइबाट कक्षा ३ मा पढ्ने नरबहादुरको कानको जाली फुटेर सुन्न छाडेको विद्यार्थीले बताएका छन् । वडाध्यक्ष भीमबहादुर घर्तीको रोहबरमा औषधी उपचार गर्ने सहमतिमा मिलापत्र गरेको इलाका प्रहरी कार्यालयका प्रहरी निरीक्षक मेघनाथ चापागाईले जानकारी दिए ।

यसैगरी राजधानी दैनिकले विप्लव नेतृत्वको नेपाल कम्युनिस्ट पार्टीको समाचार पनि पहिलो पृष्ठमा ‘पार्टीविरुद्ध जानेलाई धमाधम कारबाही’ शीर्षकमा रक्षात्मक बन्दै विप्लव आसयको समाचार छापेको छ ।

त्यसैगरी पत्रिकाले अत्यावश्यक कानून निर्माणमा ढिलाई हुँदा स्थानीय र प्रदेश तहमा कर्मचारी व्यवस्थापनमा समस्या देखिएको समाचारलाई पनि प्राथमिकताका साथ पहिलो पृष्ठमा छापेको छ । संघीय सरकारले कर्मचारीका लागि अत्यावश्यक कानून समयमै निर्माण गर्न नसक्दा तीन तहको कर्मचारी व्यवस्थापनमा समस्या देखिएको छ ।

त्यस्तै पत्रिकाले मुगुमा यार्सागुम्बा खोज्न गएका स्थानीयको फोटो क्याप्सन छापेको छ । फोटो क्याप्सनमा लेखिएको छ– मुगको कार्मरो गाउँपालिकाले यार्सागुम्बा खोज्न प्रवेश खुला गरेपछि पाटनको सिरानीचौरबाट यार्सागुम्बा संकलनका क्रममा चाहिने आवश्यक वस्तो बोकेर पाटनतर्फ जाँदै संकलक ।

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker