प्रवासमुख्य समाचार

साउदीमा कोरोनाभाइरसका बिरामी भेटिए,नेपालीहरुलाई उच्च सतर्कता अपनाउँन दूतावासको आग्रह

[mashshare]

काठमाडौँ । 
साउदी अरबमा कोरोना भाइरस (COVID-19) को संक्रमण फैलिदैगएकोले साउदी अरबमा रहेका नेपालीहरुलाई उच्च सतर्कता अपनाउँन दुतावासले आग्रह गरेको छ | हाल सम्म साउदी अरबमा कोरोना भाइरसबाट संक्रमितहरुको संख्या १५ नाघेको त्यँहाको स्वास्थ्य मन्त्रालयले जानकारी दिएको छ |

मन्त्रालयका अनुसार संक्रमितहरुलाई विशेष उपचारमा राखिएको  छ | त्यस्तै कोरोना भाइरसको संक्रमणका विरामी बढ्दै गएपछि अधिकारीहरुबाट साउदी अरबको पूर्वी क्षेत्रको महत्वपूर्ण व्यपारिक शहर दम्मामको नजिकैको स्थान Qatif को आवतजावत बन्द समेत गरिएको छ | उक्त क्षेत्रबाट बाहिर गएका बासिन्दालाई भने शहर भित्र आउन दिइएको छ | सो क्षेत्रमा सरकारी कार्यालय, निजी संस्थाहरु, यातायात तथा क्याटरिङ सेवा लगायतका सेवाहरु बन्द गरिएको जनाइएको छ |

उक्त क्षेत्र र वरपर रहेका नेपालीहरुले कोरोना भाइरसको संक्रमणबाट बच्न सम्भव सबै उपायहरु अवलम्बन गर्न दूतावासले अनुरोध गरेको छ | साउदीमा सरकारले कोरोनाभाइरसबाट बच्नका लागि देशभरिका  सम्पूर्ण विद्यालयहरु, विश्वविद्यालय, मदरसाहरु अर्को सूचना प्रकाशित नभएसम्मकालागि बन्द गरेको छ |

आइतबार देखि साउदी सरकारले युएई,कुवेत,बहराइन,दक्षिण कोरिया,इटाली,इराक लगायतका देशहरुबाट आवागमनमा रोक लगाएको छ | विदामा नेपाल जाने, नेपालबाट परिवारका सदस्यहरु ल्याउने वा अन्य यात्रा तय गर्दा सम्पूर्ण कुराहरु विशेष ध्यान दिन दूतावासले आग्रह गरेको छ |

साउदीमा रहेका नेपालीहरुले रुघा खोकी लागेमा, ज्वरो आएमा तथा स्वासप्रस्वाशमा समस्या देखिएमा साउदी सरकारले निर्धारण गरेको परीक्षणस्थलबाट सेवा लिनसक्ने छन | आफूले कामगर्ने कम्पनीलाई समेत साउदी सरकारले तोकेको प्रयोगशालामा परीक्षण गराउन अनुरोध गर्न साउदीमा रहेका नेपालीहरुलाई दुतावासले भनेको छ |

दूतावासकाअनुसार यस रोगको संक्रमणको शंका भएमा तुरुन्तै साउदी सरकारले उपलव्ध गराएको हेल्थ सर्भिस सेन्टरको टेलिफोन नं ९३७ मा फोन गरी सल्लाह र परामर्श लिनसकिनेछ | त्यस्तै साउदी अरबमा विभिन्न मुलुकका नागरिकहरु कार्यरत रहेका हुंदा उनीहरुसंगको भेटघाट, अंकमाल तथा हातमिलाउने कार्यलाई अत्यावश्यक अवस्थाका लागि मात्र सीमित गर्न अनुरोध गरिएको छ | 

विदेशी नागरिकहरु धेरै भेला भएका स्थानहरुमा अत्यावश्यक भएमा बाहेक नजान नेपाली दूतावासले आग्रह गरेको छ | त्यस्तै साउदीमा मदिरापान गर्नु गम्भीर अपराध समेत भएको रियाद स्थित नेपाली दुतावासले त्यँहा रहेका नेपालीहरुलाई स्मरण गराएको छ |

कोरोनाभाइरसबाट कसरी बच्ने ?

-रुघा खोकी लागेका, ज्वरो आएका तथा स्वासप्रस्वाशमा समस्या देखिएका जो कोहीसंग पनि सजगताका साथ व्यवहार गर्नुहोस् र केही दुरीमा बस्नुहोस् ।

-नेपाली समुदायले आयोजना गर्ने सामूहिक कार्यक्रम कुनै भएका हाललाई बन्द गर्नुहोस् ।

-नियमित हात धुनुहोस्, खोक्दा तथा हाछ्युं गर्दा अनिवार्य रुमाल वा टिस्युले नाक र मुख छोप्नुहोस् । सो उपलव्ध नभएमा हातको कुहिनाको भित्रिभागमा नाकमुख राखि गर्नुहोस् ।

-चराचुरूङगी तथा  जनवारलाई नछुनुहोस् । कामका सिलसिलामा छुनुपरेमा प्लाष्टिकको पञ्जा प्रयोग गर्नुहोस् । मासु तथा अण्डा राम्रोसंग पकाएर मात्र खानुहोस् ।

-मादक पदार्थ सेवनबाट शरीर शीथिल हुने र शीथिल शरीरमा रोगव्याधीले सजिलै आक्रमण गर्ने एवं शरीरमा रोग लागेको अड्कल गर्न समेत कठीन हुने भएकाले मादक पदार्थ सेवन नगर्नुहोस |

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker