अपराधसमाचार

फ्ल्याट भाडामा लिएर यौन व्यवसाय सञ्चालन, सञ्चालकसहित ५ जना पक्राउ

काठमाडौं ।
फ्ल्याट भाडामा लिएर यौन व्यवसाय सञ्चालन गरेको आरोपमा महानगरीय प्रहरी परिसर भक्तपुरले पाँच जनालाई पक्राउ गरेको छ ।

काठमाडौंको माकलबारीका फ्ल्याट भाडामा लिएर यौन व्यवसाय सञ्चालन गर्ने र किशोरीलाई जबर्जस्ती करणी गरेको अभियोगमा तीन पुरुष र दुई युवतीलाई पक्राउ गरिएको परिसरका प्रवक्ता डिएसपी दीपक गिरीले जानकारी दिए ।

सिन्धुली सुनकोसी गाउँपालिका घर भएका २४ वर्षीय सरगम भन्ने श्यामकुमार भट्टराई, १८ वर्षीय मसेली भन्ने सुहागा तामाङ, ५२ वर्षीय प्रकाश ढुंगेल, नुवाकोट सुर्यगढी गाउँपालिका घर भएकी ३१ वर्षीय मुना थापा मगर र काठमाडौँ ४७ वर्षीय राजकुमार सुनार रहेका छन् ।

सुहागा तामाङले १६ वर्षीय एक किशोरीलाई काठमाडौँमा कपडा पसलमा काम लगाइदिने भनी फकाइ चैत १२ गते ल्याइ श्यामकुमार भट्टराईसँग मिलेर काठमाडौँ माकलबारीमा फ्ल्याट भाडामा लिएको कोठामा राखी होटेलमा ग्राहकसँग जवर्जस्तिकरणी गर्न लगाएको उजुरी पीडित किशोरीका बुबाले प्रहरीमा दिएपछि उनीहरूलाई नियन्त्रणमा लिएको परिसरका डिएसपी दीपक गिरीले जानकारी दिए । प्रहरीले माकलबारीमा रहेको घरमा छापा समेत मारेको छ ।

पक्राउ परेकी १९ वर्षीया सुहाना तामाङले केही दिन पहिले १६ वर्षीया किशोरीलाई कपडा पसलमा जागिर लगाइदिन्छु भनेर फकाएर गाउँबाट काठमाडौं ल्याएकी थिइन् । काठमाडौं ल्याएपछि जबर्जस्ती फ्ल्याटमा राखेर यौन व्यवसायमा लगाएपछि घटना सार्वजनिक भएको हो ।

प्रहरीको अनुसन्धानमा सुहागा तामाङले आर्थिक अवस्था कमजोर भएका बालिका तथा युवतिहरूलाई काठमाडौँमा कपडा पसललगायतमा काम लगाई दिने भन्दै ल्याउने गरेको खुलेको छ । त्यसपछि बालिका तथा युवतिहरूलाई श्यामकुमार भट्टराईको सम्पर्कमा पुर्‍याउने गरेको पाइएको प्रहरीले जनाएको छ ।

श्यामले बालिका तथा युवतिहरूलाई शहरी फेसनको कपडा खरिद गरी लगाउन लगाई खाना, बस्न सुविधाका साथै मादक पदार्थ समेतको लतमा मेत फसाउने गरेको प्रहरीले जानकारी दिएको छ ।

त्यसपछि श्यामले नै विभिन्न माध्यमबाट बालिका तथा युवतीको फोटो होटेल तथा लजका सञ्चालकलाई पठाइदिने गरेका छन् । त्यसपछि होटेले सञ्चालक त्यही फोटो ग्राहकलाई देखाएर रोजाइ अनुसारको बालिका र युवती होटेलमा पुराएर यौन क्रियाकला गराउने गरेको प्रहरीको अनुसन्धानमा देखिएको छ । घटनाबारे थप अनुसन्धान भइरहेको प्रहरीले जनाएको छ ।

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker