अन्तर्राष्ट्रियसमाचार

चीनमा अब ३ सन्तानको नीति लागु

काठमाडौँ |
चीनले दुई सन्तानको नीतिलाई खारेज गर्दै अब तीन सन्तानको नीति अँगाल्ने भएको छ । पछिल्लो समय जन्मदर घटिरहेकाले चीनले अब हरेक दम्पतीले ३ जनासम्म सन्तान जन्माउन पाउने नीति ल्याएको हो । 

समाचार संस्था सिन्ह्वाका अनुसार राष्ट्रपति सी चिनफिङको अध्यक्षतामा बसेको चिनियाँ कम्युनिस्ट पार्टीको बैठकले उक्त नीति लागू गर्ने निर्णय गरेको हो । 

दोस्रो आर्थिक शक्तिका रूपमा अगाडि आएको चीन विश्वकै सबैभन्दा धेरै जनसंख्या भएको देश हो ।चीनमा यसै वर्षको सुरुवातमा सार्वजनिक भएको जनगणनाअनुसार वार्षिक जनसंख्या वृद्धिदर ०.५३ प्रतिशत रहेको तथ्यांक सार्वजनिक भएको थियो । जुन जनसंख्याको वृद्धिदर १९६० को दशकयताकै कम भएको बताइएको छ । हाल चीनको जनसंख्या १ अर्ब ४१ करोड रहेको छ ।

चीनले सन् २०१६ मा साढे तीन दशक लामो एक सन्तानको नीतिलाई खारेज गर्दै दुई सन्तानको नीति अँगालेको थियो । 

यस महिनाको सुरुवातमा जारी जनसङ्ख्याको आँकडामा गएको वर्ष चीनमा एक करोड २० लाख बालबालिका जन्मिएका र यो सन् २०१६ पछि भएको ठूलो गिरावट र १९६० पछि सबैभन्दा कम बालबालिका जन्मिएको बताइएको थियो । सन् २०१६ मा चीनमा एक करोड २० लाख बालबालिका जन्मिएका थिए । 

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker